Eron O‘zbekistonga dengizga chiqish imkoniyatini taklif qildi

^{Foto: «Iran.ru»}
Eron O‘zbekistonni Shimoliy Afrika mamlakatlari bilan bog‘lovchi tranzit mamlakat bo‘lishga tayyor. Bu haqda Eron sanoat, konlar va savdo vaziri Rizo Rahmoniy ma’lum qildi, deb yozmoqda «Iran.ru».

Qayd etilishicha, bu O‘zbekistonga Shimol—Janub transport koridorining dengiz, temiryo‘l va avtomobil yo‘nalishlarini taqdim etish orqali amalga oshirilishi mumkin.

Rahmoniyning ma’lum qilishicha, Eron O‘zbekistonga Shimoliy Afrika mamlakatlaridan, shuningdek, Fors ko‘rfazining janubida joylashgan davlatlardan mahsulotlar tashish uchun hech qanday cheklovlarsiz tranzit yo‘nalishi yaratishi mumkin.

Siyosatchining qayd etishicha, Toshkent va Tehron imtiyozli savdo tariflari bo‘yicha kelishuv imzolashi va moliyaviy operatsiyalarda milliy valyutadan foydalanishi mumkin.