Хитой компанияси Тошкент метро қурилишида иштирок этади

Хитойнинг Tianjin Rail Transit Group компанияси Тошкент метрополитенини кенгайтиришда иштирок этиши мумкин, деб Kursiv.media хабар берди.

Ўзбекистон транспорт вазири Илҳом Маҳкамов маълум қилишича, музокаралар янги станциялар қурилиши ва мавжудларини янгилашни қамраб олади.

Август ойида транспорт вазирининг ўринбосари Жасурбек Чўриев Tianjin Rail Transit Group раҳбарлари билан музокара ўтказди.

Хитой томони ушбу лойиҳага катта қизиқиш билдирган.

Шунингдек, Тошкент — Самарқанд тезюрар темир йўл линияси бўйича ҳам таклифлар тайёрлашни ваъда қилган.