Олийгоҳларда 2025/2026 йил супер контракт ставкалари маълум қилинди
Юртимиздаги олий таълим муассасаларида янги ўқув йили учун табақалаштирилган (супер) тўлов-контракт миқдорлари эълон қилинди. Бу қарорга мувофиқ, 2025/2026 ўқув йилдан бошлаб супер контракт нархини белгилаш ҳуқуқи олийгоҳ ректорлари ва директорларига берилган эди.
Қоидага кўра, қабул балли 4,05 дан юқори бўлмаган абитуриентлар учун контракт суммаси базавий тўлов-контрактнинг камида 3 баравари этиб белгиланади. Шу асосда бир қатор олийгоҳлар ўз ставкаларини эълон қилди.
Жумладан:
Андижон давлат техника институти — 3 баравардан 4 бараваргача;
Андижон давлат университети — 4 баравардан 6 бараваргача;
Наманган давлат педагогика институти — 3,1 баравардан 6 бараваргача;
Термиз давлат университети — 4 баравардан 10 бараваргача;
Бухоро давлат университети — 4 баравардан 12 бараваргача;
Наманган давлат чет тиллари институти — 4 баравар;
Тошкент ахборот технологиялари университети — 4 баравардан 7 бараваргача;
Тошкент давлат иқтисодиёт университети — 5 баравардан 9 бараваргача;
Тошкент давлат тиббиёт университети Термиз филиали — 7 баравардан 12 бараваргача;
Тошкент давлат юридик университети — 17 баравар;
Урганч давлат университети — 4 баравардан 10 бараваргача;
Ўзбекистон давлат жисмоний тарбия ва спорт университети Нукус филиали — 5 баравар.
Энг юқори ставка Тошкент давлат юридик университетида белгиланиб, у базавий тўловнинг 17 бараварига тенг бўлди.
Маълум қилинишича, супер контракт асосида ўқишга қабул қилинган абитуриентлар контрактнинг ярмини — 50 фоизини 2025 йил 31 октябрга қадар тўлаш имкониятига эга бўлади. Бу эса олийгоҳ талабалари учун маълум маънода енгиллик яратади.
