2025-йил 2-ноябр куни Бавария Бундеслиганинг тўққизинчи турида Байер устидан йирик ғалабага эришди. Мюнхендаги “Аллианц Арена” стадионида бўлиб ўтган учрашувда Венсан Компани шогирдлари ўйинни тўлиқ назорат қилиб, 3:0 ҳисобида ғалаба қозонишди.
Учрашувнинг 25-дақиқасида Бавария ҳисобни очди. Тезкор қарши ҳужумда Серш Гнабри дарвозанинг бурчага аниқ зарба йўллади.
Орадан кўп ўтмай, Лаймернинг ўнг қанотдан узатган тўпини Жексон муваффақиятли якунлаб, ҳисобни 2:0 кўринишига олиб келди. Байер футболчилари ўзини йўқотиб қўйган, улар деярли хавфли вазият ярата олмадилар.
ХГ статистикаси — 1.97 га 0.17 — жамоалар ўртасидаги кучлар нисбатини акс эттирди. Шик ва Хофманнинг ўйинни ўзгартиришга бўлган уринишлари самарасиз бўлди.
Танаффусга қадар Бавария ҳисобни 3:0 кўринишига етказди. Бу сафар Боде ўз дарвозасига автогол уриб қўйди, у Геррейрўнинг узатмасини нотўғри қайтариб, дарвозага йўналтирди.
Иккинчи бўлимда мюнхенликлар ўйинни секинлаштирди, аммо тўпни назорат қилишда давом этишди. Майдонга Кейн ва Павлович тушди, аммо ҳисоб ўзгармади.
Байер мураббийлар штаби ҳам бир қанча ўзгаришлар қилди, лекин бу рақиб дарвозасига яқинлашиш учун етарли бўлмади.
