2026 йилга келиб Сирдарё вилояти Сирдарё туманида Марказий Осиё кооперация маркази ҳудудида 40 саноат лойиҳаси ишга туширилиши режалаштирилмоқда. Ушбу лойиҳаларнинг умумий қиймати $720 млнни ташкил этади, деб маълум қилди президент Шавкат Мирзиёев вилоят Халқ депутатлари кенгаши сессиясида.
Келаси йилнинг биринчи чораги охиригача марказда умумий қиймати $300 млн бўлган 14 корхона иш бошлайди. Бундан ташқари, $122 млнлик ўзбек-хитой автомобил заводининг ишга туширилиши кутилмоқда.
Президент, шунингдек, Сайҳунобод туманидаги ижобий тажрибани таъкидлади. Бу ерда аҳолини иш билан таъминлаш бўйича янги тизим жорий этилган.
Натижада 15 минг киши доимий даромадга эга бўлди, 1,5 минг оила эса қашшоқликдан чиқарилди. “Бугун Сайҳунободнинг энг “оғир” туманлардан бири бўлганига қарамай, одамлар ҳаёти ва кайфиятидаги ўзгаришларга гувоҳ бўляпсизлар”, деди Шавкат Мирзиёев.
Меҳмон гуруҳидаги фойдаланувчилар ушбу мақолага изоҳ қолдира олмайди.
