2025 йил декабрь ойи бошида Ўзбекистоннинг олтин-валюта захиралари рекорд даражадаги $61,2 миллиардга етди. Бу ҳақда Марказий банк ҳисоботида маълум қилинди.
Бир ой давомида захиралар 3,2 фоизга ошган бўлса, йил бошидан буён улар қарийб 49 фоизга ўсди. Ой давомида қимматбаҳо металнинг физик ҳажми 12,2 миллион троя унциясига етди, уларнинг пул эквивалентидаги қиймати эса $50,8 миллиардни ташкил этди.
Хорижий валютадаги захиралар эса $9,8 миллиардни ташкил қилди, аввалги ойда бу кўрсаткич $10,9 миллиард бўлган эди. Эслатиб ўтамиз, Ўзбекистон Марказий банки октябрь ойида дунёдаги энг йирик олтин харидорларидан бири бўлди.
Шу даврда регулятор 9 тонна қимматбаҳо металл сотиб олди. Жорий йилнинг ўтган ўн ойида Ўзбекистон қарийб $9,9 миллиардлик олтин экспорт қилган.
2024 йилнинг шу даврида эса экспорт миқдори $6,6 миллиардни ташкил этган эди.
Меҳмон гуруҳидаги фойдаланувчилар ушбу мақолага изоҳ қолдира олмайди.
