2025 йилнинг тўққиз ойи давомида Ўзбекистонда микромолия хизматлари бозори ҳажми 104 триллион сўмга етди, бу ўтган йилнинг шу даврига нисбатан 1,8 баробар кўпдир. Бу ҳақда Марказий банк маълум қилди.
Хизматларнинг асосий қисми банкларга тўғри келган — деярли 80%, микромолия ташкилотларига (МФТ) — 18,5%, ломбардларга эса 2%. Кредит ва микрозаймлар асосан миллий валютда — 103,5 триллион сўмлик, хорижий валютда эса 500 миллиард сўмлик берилган.
Микромолия ташкилотлари томонидан тақдим этилган хизматлар ҳажми 19 триллион сўмни ташкил этди. Ушбу кўрсаткичнинг 13,9 триллион сўми учта ташкилотга тўғри келган: “Тезкойн”, “Шаффоф молия” ва “Фортуна бизнес”.
Микромолия хизматларининг энг юқори ўсиши Тошкент шаҳри, Қашқадарё ва Хоразм вилоятларида қайд этилган. Шу билан бирга, ўтган йилга нисбатан умумий кредитлар ҳажмидаги микромолия хизматлари улуши 7% га ошган ва 34,2% ни ташкил қилган.
Жорий йилнинг октябр ойи бошига келиб, қишлоқ аҳолиси 83 триллион сўмлик микрокредитлар ва 21 триллион сўмлик микрозаймлар олган. Йиллик ўсиш мос равишда 6% ва 4% ни ташкил этган.
Меҳмон гуруҳидаги фойдаланувчилар ушбу мақолага изоҳ қолдира олмайди.
