Uzatom агенттігінің делегациясы Италияның Генуя қаласында орналасқан Ansaldo Energia зауытына барды. Бұл зауыт әлемдегі жетекші турбина жабдықтарын өндірушілердің бірі болып саналады.
Сапар барысында делегацияға турбогенераторлар өндіру технологиялық процесі таныстырылды. Италиялық тарап делегацияны зауыт цехтарына кіргізіп, турбина роторлары мен қалақтарын өндіру үдерістерін көрсетті.
Зауыт қуаты шағын әрі ықшам құрал-жабдықтардан бастап, мың мегаваттан асатын ірі қондырғыларға дейін шығара алады. Агенттіктің мәлімдеуінше, Ansaldo Energia турбиналардың және олардың құрамдас бөліктерінің кең ауқымын ұсынады.
Сапар соңында бұл кездесу Өзбекстанда атом электр станциясын салу жобасы үшін техникалық ынтымақтастық пен параметрлерді бағалау бойынша алдағы келіссөздерге негіз болатыны атап өтілді.
