Ресейдің Ozon банкі Өзбекстан, Қазақстан және басқа да елдердің азаматтары үшін дебет карталарын рәсімдеуді бастады. Бұл қызметті 90-нан астам елдің тұрғындары пайдалана алады.
Шетелдік азаматтар картаны алу үшін паспорт және Ресейде болу құқығын растайтын құжаттарды ұсынуы тиіс. Картаның көмегімен айына 3 миллион рубльге дейін (462,5 миллион сум) қолма-қол ақша шешіп алу, ақша аударымдарын жасау, Ozon платформасынан жеңілдіктермен сатып алу және кэшбэк алу мүмкіндігі болады.
Банк болашақта карталарды ашуға болатын елдердің санын көбейтуді жоспарлап отыр. Ozon банкі 2022 жылы құрылған, ол 2013-2021 жылдар аралығында Ресей нарығында жұмыс істеген «Oney bank» базасында құрылған.
Осы жылдың шілде айынан бастап Ozon банкі Еуропалық Одақтың санкцияларының астында қалды. Дегенмен, қаржы ұйымы SWIFT жүйесінен ажыратылған жоқ, бірақ транзакцияларға шектеулер енгізілді.
