Ламин Ямал: 2026 жылы барлығын жеңгім келеді

«Барселона» клубының вингері Ламин Ямал командалық және жеке жетістіктер арасында таңдау жасай алмайтынын айтты. 18 жастағы футболшының айтуынша, ол «Алтын допты» жеңіп алуы, сондай-ақ «көк-гранаталылармен» бірге Ла Лига мен Чемпиондар Лигасын, Испания ұлттық құрамасымен Әлем чемпионатын ұтып алуы мүмкін.

«2026 жылы барлығын бірден жеңуді қалаймын және оны жүзеге асыру мүмкін екенін білемін», – деді Ямалдың сөзін Barca Universal келтірді. Айта кетейік, биыл Ламин Ямал «Алтын допқа» дауыс беру кезінде екінші орынды иеленді.

Ол «ПСЖ» футболшысы Усман Дембелеге жол берді. Ханс-Дитер Флик басқарған команда Ла Лига чемпиондығын жеңіп алды және Чемпиондар Лигасының жартылай финалына шықты.