Карим Бензема футболды тағы 2 жыл жалғастырады

Сауд Арабиясының "Әл-Иттихад" клубының шабуылшысы Карим Бензема болашағына қатысты жоспарларымен бөлісті. Оның қазіргі келісімшарты 2026 жылдың жазында аяқталады.

Бұл туралы AS порталы хабарлады. "Желтоқсанда 38 жасқа толамын.

Өзімді әлі 2 жыл кәсіби футболшы ретінде көремін. Физикалық жағдайым жақсы, көп еңбектеніп, үнемі ойындарға қатысамын.

Клубтың шешімін күтеміз", — деді француз футболшысы. "Еуропа клубтарынан ұсыныстар түсті.

Барлығын мұқият ойластырып, дұрыс шешім қабылдауым керек. Өзімді қай жерде жақсы сезінетінімді анықтау маңызды.

Жағдайлардың қалай өрбитінін бақылаймыз". Ағымдағы маусымда Бензема клуб деңгейінде 9 ойынға қатысып, 5 гол соғуға қол жеткізді.