Өзбекстанда “Жастар тізіміне” енген 16 мыңға жуық жас азаматтарды жұмыспен қамтуға көмек көрсетіледі. Бұл туралы Президент Шавкат Мирзиёевтің шешімінде айтылған.
“Кітапқұмарлық” жобасы аясында ғылыми-көпшілік және көркем әдебиеттер оқитын жастардың үлесін 10 пайызға арттыру жоспарлануда. Келесі жылдың ақпан айынан бастап төмен қамтамасыз етілген отбасылар тізіліміне енген жастарға әлеуметтік көмек келісімшарт негізінде ұсынылатын болады.
Бұл ретте көмек алушылар бірқатар талаптарды орындауы тиіс: үздіксіз оқу, жақсы үлгерім көрсету, “Бес бастама олимпиадасына” қатысу. Егер көмек алушы белгіленген талаптарды орындамаса, көмек мөлшері 30 пайызға дейін төмендетілуі немесе бір айдан бір жылға дейін, тіпті одан да ұзақ уақытқа тоқтатылуы мүмкін.
Келісімшарт талаптарын бір жыл бойы орындап келген жастар әлеуметтік көмекті кезексіз және жеңілдікті шарттарда алу құқығына ие болады. Сонымен қатар, ең белсенді мың жас азамат ақшалай сыйақымен марапатталады.
«Меҳмон» тобындағы келушілер бұл жарияланымға пікір қалдыра алмайды.
