Өзбекстан 2026 жылы Дүниежүзілік сауда ұйымына (ДСҰ) мүшелікке кіру үдерісін жеделдету мақсатында 29 нормативтік-құқықтық құжатты әзірлеп, қабылдауды жоспарлап отыр. Бұл туралы президенттің ДСҰ мәселелері жөніндегі өкілі Азизбек Урунов мәлімдеді. Бұл туралы kursiv.uz жазады.хабарлайды.
Оның айтуынша, республика ДСҰ-ға мүше елдермен нарыққа қол жеткізу бойынша екіжақты келіссөздердің негізгі бөлігін аяқтаған: 34 елдің 33-імен келісімге қол жеткізілген. Әзірге тек Тайваньмен келіссөздер ашық қалып отыр.
Мәліметтерге сәйкес, 2025 жылы Өзбекстан ДСҰ талаптары аясында 30 нормативтік-құқықтық құжатты — заңдар, президент жарлықтары, үкімет қаулылары және ведомстволық құжаттарды қабылдаған. 2026 жылға жоспарланған 29 жаңа құжат сауданы реттеудің маңызды бағыттарын, соның ішінде кедендік және техникалық нормаларды, экспорттық баждарды, сауданы қорғау шараларын, зияткерлік меншікті, сондай-ақ санитариялық және фитосанитариялық талаптарды қамтиды.
Сондай-ақ, ресми тұлғалар 2026 жыл ішінде қалған екіжақты және көпжақты келіссөздерді аяқтауды, ДСҰ жұмыс тобы бойынша қорытынды есепті дайындауды және ұлттық заңнаманы қол жеткізілген келісімдерге толық сәйкестендіруді көздеп отыр.
“Zamin”-ді Telegram-нан оқыңыз!
