Өзбекстандық тағы бір жас талант Еуропаға аттанды

Өзбекстандық вингер Садриддин Хусанов Португалияға аттанып, «Брага» клубында қаралымнан өтіп жатыр. Бұл туралы upl.uz хабарладыхабарбереді.

17 жастағы футболшы әлеуметтік желілерде «Брага» жейдесіндегі суретін бөлісті. Бұл оның португалиялықтармен келісімшартқа қол қоюға жақын екенін аңғартады.

Мәліметтерге сәйкес, Хусанов клубтың жастар командасымен келісімге жақын. Ол Ташкенттің «Бунёдкор» академиясының түлегі саналады.

Хусанов жасөспірімдер құрамасы сапында Азия кубогында чемпион атанғаннан кейін назарға ілікті. Сондай-ақ ол әлем чемпионатында да лайықты ойын көрсетіп, жуырда The Guardian нұсқасы бойынша әлемдегі ең дарынды 60 жас футболшының тізіміне енді.