Ўзбекистон 2026 йилда Жаҳон савдо ташкилотига (ЖСТ) аъзо бўлиш жараёнини жадаллаштириш мақсадида 29 та норматив-ҳуқуқий ҳужжат ишлаб чиқиб, қабул қилишни режалаштирмоқда. Бу ҳақда президентнинг ЖСТ масалалари бўйича вакили Азизбек Урунов маълум қилди. Бу ҳақда kursiv.uz хабар беради.
Унинг айтишича, республика ЖСТга аъзо давлатлар билан бозорга кириш бўйича икки томонлама музокараларнинг асосий қисмини якунлаган: 34 мамлакатдан 33 таси билан келишувга эришилган. Ҳозирча фақат Тайван билан музокаралар очиқ қолмоқда.
Маълумотларга кўра, 2025 йилда Ўзбекистон ЖСТ талаблари доирасида 30 та норматив-ҳуқуқий ҳужжатни — қонунлар, президент фармонлари, ҳукумат қарорлари ва идорававий ҳужжатларни қабул қилган. 2026 йилга мўлжалланган 29 та янги ҳужжат эса савдони тартибга солишнинг муҳим йўналишларини, жумладан божхона ва техник меъёрлар, экспорт божлари, савдони ҳимоя қилиш чоралари, интеллектуал мулк, шунингдек санитария ва фитосанитария талабларини қамраб олади.
Шунингдек, расмийлар 2026 йил давомида қолган икки томонлама ҳамда кўп томонлама музокараларни якунлаш, ЖСТ ишчи гуруҳи бўйича якунлий ҳисоботни тайёрлаш ва миллий қонунчиликни эришилган келишувларга тўлиқ мослаштиришни кўзламоқда.
“Zamin”ни Telegram'да ўқинг!
