Mitsubishi Delica Mini: арзонроқ ва қулайроқ версиялар йўлга қўйилади

2023 йилда тақдим этилган Mitsubishi Delica Mini компактвэни Японияда муваффақият қозонгач, компания унинг икки янги махсус версиясини ишлаб чиқаришини маълум қилди, деб Daily Motor хабар берди.

Биринчи янги версия — Limited Edition — электр ён эшиклар, Mi-Pilot ёрдамчи тизимига эга бўлади, аммо рақамли орқа кўзгу ўрнига арзонроқ антибликовое кўзгу ўрнатилади.

Иккинчи версия — имконияти чекланганлар учун мослаштирилган бўлиб, йўловчи ўриндиғини ҳаракатлантириш функциясига эга. Бу версия ногиронлар учун қулай фойдаланиш имконини беради.

Мазкур икки янги версиянинг Япониядаги сотуви 5 июндан бошланади. Нархлар 1 997 000 — 2 250 000 иена (тахминан 127–143 млн сўм) оралиғида бўлади.