Changan Эадо Классик Эдитион седани тақдим этилди: 191 от кучи ва ҳамёнбоп нарх
Changan компанияси Хитой бозорида янгиланган Эадо Классик Эдитион седанини сотувга чиқарди. Модел ўзининг агрессив нарх сиёсати билан ажралиб туради: дастлабки харидорлар учун автомобил атиги 65 минг юан (тахминан 700 минг рубл) эвазига таклиф этилмоқда. Бу ҳақда Ixbt.com хабар беради.
Компания харидорларни жалб қилиш учун қўшимча имтиёзларни ҳам тақдим этмоқда. Булар қаторига сезиларли чегирмалар, бир неча йилга мўлжалланган арзон сервис хизмати ва мультимедиа тизими учун бепул мобил трафик киради. Бу орқали Changan нафақат харид нархини, балки автомобилга эгалик қилиш харажатларини ҳам камайтиришни мақсад қилган.
Автомобил К-классдаги седанлар учун хос бўлган габаритларга эга, унинг ғилдирак базаси эса 2765 мм ни ташкил этади. Салон ичида 10,25 ва 13,2 дюймли иккита экран, атрофлама кўриш тизими, парковка ёрдамчилари ҳамда 6 та динамикдан иборат аудио тизим ўрнатилган.
Капот остида 191 от кучига эга 1,5 литрли Блуе Whале турбомотор жойлашган бўлиб, у 7 поғонали «робот» узатмалар қутиси билан ҳамкорликда ишлайди. ВЛТК стандартига кўра, автомобилнинг ёқилғи сарфи 100 километрга 6,4 литрни ташкил этади ва у AI-92 бензинида ҳаракатланишга мослаштирилган.
