Ишониш қийин: АҚШлик аёл ChatGPT танлаган рақамлар билан лотереядан 100 минг доллар ютди
АҚШнинг Мичиган штатида яшовчи Темми Карви лотереяда ChatGPT ёрдамида 100 000 доллар ютиб олди, деб UPI хабар берди.
У ўз омадини сунъий интеллектга ишониб синаб кўришга қарор қилган ва бу қарор унга катта ютуқ олиб келган. Аёл ChatGPT чат-ботидан лотерея учун рақамлар комбинациясини таклиф қилишни сўраган ва айнан шу рақамлар унга 100 минг долларлик совринни олиб келган.
“Мен шунчаки ундан рақамлар танлашни сўрадим ва уларни чиптага киритдим — натижа мана!” — деди Темми. У аввалига 50 000 доллар ютдим деб ўйлаган, аммо натижани қайта текшириб, ютуғи икки баробар эканини аниқлаган. “Эрим билан икковимиз ҳали ҳам шокдамиз”, — дея қўшимча қилди у.
Карви бу маблағни ипотека қарзини тўлаш ва шахсий жамғарма тузишга сарфлашни режалаштирмоқда.
Лотерея ташкилотчилари таъкидлашича, бу ҳолат — иштирокчининг ютуқли рақамларни танлашда сунъий интеллектдан фойдаланганини очиқ айтган биринчи ҳолат сифатида қайд этилган.
