50 йил давомида қурилган зинапоя
Бир эркак рафиқасининг хавфсиз юриши учун мислсиз фидойилик кўрсатди. У тоғ бағрида оддий асбоб-ускуналар ёрдамида 50 йил давомида меҳнат қилиб, жами 6208 поғонадан иборат зинапоя барпо этди. Бу йўл кейинчалик халқ орасида рамзий маънода “Муҳаббат нарвони” деб атала бошланди.
Айтилишича, тоғли ҳудудда яшаган ушбу оила учун ҳар куни тик ва хавфли йўллардан юриш анча мушкул бўлган. Айниқса, аёл учун бу йўл катта хавф туғдирган. Шундан сўнг эркак йиллар давомида аста-секин зинапоя қуришни бошлаган ва уни ўз меҳнати билан мукаммал ҳолга келтирган.
У нафақат йўл қурди, балки рафиқаси учун хавфсиз ҳаёт йўлини яратди. Ҳар бир поғона унинг сабр-тоқати, меҳр-муҳаббати ва садоқатидан дарак беради.
Бугун бу зинапоя нафақат оддий иншоот, балки чин инсонийлик ва муҳаббат рамзига айланган. Кўпчилик бу воқеани эшитиб, севги фақат сўзларда эмас, балки амалда, сабр ва фидойиликда намоён бўлишини яна бир бор англаб етмоқда.
