Россияда йўловчи поезди юк машинаси билан тўқнашиб кетди (Фото)

Россия Федерациясининг Тюмень вилоятидаги Ханти-Мансийский мухтор ҳудудида йўловчи поезд ва «Камаз» юк машинаси тўқнашиб кетди.

Тўқнашув натижасида ўн киши жабрланди, шулардан уч нафари ёш бола эканлиги тўғрисида Qalampir.uz маълум қилди.

Қутқарувчилар берган маълумотга кўра, тўқнашув натижасида йўловчи поезди жиддий талофат кўрмаган ва ўз йўналиши бўйлаб давом этган.

Ҳозирда воқеа сабаблари ўрганилмоқда.