Ethereum Фоундатион яна икки етакчи тадқиқотчисини йўқотди
Ethereum Фоундатион ташкилотини яна икки юқори мартабали тадқиқотчи тарк этди. Жулиан Ма ва Карл Беек ўз лавозимларини тарк этишлари билан сўнгги ойларда ташкилотни тарк этган нуфузли мутахассислар сони камида саккиз нафарга етди. Жулиан Ма тўрт йил, Карл Беек эса етти йил давомида Ethereum экотизимини ривожлантиришга ўз ҳиссасини қўшган эди. Бу ҳақда Cointelegraph.com хабар беради.
Жулиан Ма Ethereum тармоғининг цензура қаршилиги ва турли қатламлараро кўприк алгоритмлари устида ишлаган бўлса, Карл Беек Беакон Чаин лойиҳасининг дастлабки дизайни ҳамда блокчейнда прооф-оф-стаке механизмини жорий этишда муҳим рол ўйнаган. Ма ўзининг Х ижтимоий тармоғидаги саҳифасида маҳсулот ва ўсиш стратегиясига эътибор қаратиш учун кетаётганини маълум қилди.
Ўтган йили Ethereum асосчиси Виталик Бутерин ташкилотда бошқарув ўзгаришлари ва янги йўналишлар белгиланганини эълон қилган эди. Бу қадам фойдаланувчиларнинг блокчейн ривожланиш йўл харитаси бўйича танқидларига жавоб тариқасида амалга оширилган бўлиб, мақсад тармоқ тезлигини ошириш учун янги кадрларни жалб қилишдан иборат. Бироқ, жорий йилнинг май ойида беш нафар етакчи дастурчи ва тадқиқотчининг кетиши ташкилотдаги кадрлар алмашинуви жараёни давом этаётганини кўрсатмоқда.
Эслатиб ўтамиз, жорий ой бошида Proтокол Клустер жамоаси етакчилари Барнабе Моннот ва Тим Беико ҳам ташкилотни тарк этишларини эълон қилишган, Алех Стокес эса таътилга чиққан эди. Апрел ойида лойиҳа менежери Жош Старк ва ҳисса қўшувчи Трент Ван Эппс, феврал ойида эса ижрочи директор ўринбосари Томасз Станкзак ўз лавозимларини тарк этганликларини маълум қилган эдилар.
