МАРА компанияси крипто-ҳужумлар туфайли CEO хавфсизлигига 4,3 млн доллар сарфлади
Дунёнинг энг йирик Bitcoin майнерларидан бири бўлган МАРА Ҳолдингс компанияси 2025-йилда ўз бош директори (CEO) Фред Тҳиел хавфсизлигини таъминлаш учун 4,3 миллион доллар маблағ сарфлади. Бу харажатлар қаторига автомобилни зирҳли ҳолатга келтириш учун йўналтирилган 430 780 доллар ҳам киради. Бундай чоралар криптовалюта соҳаси раҳбарлари ва инвесторларига нисбатан жисмоний ҳужумлар кўпаяётган бир пайтда амалга оширилмоқда. Бу ҳақда Cointelegraph.com хабар беради.
Бозор қиймати 5 миллиард доллардан ошадиган МАРА компанияси АҚШ Қимматли қоғозлар ва биржалар комиссиясига (SEК) тақдим этган ҳисоботига кўра, Фред Тҳиелнинг уй хавфсизлиги тизимлари учун 58 810 доллар сарфлаган. Умумий харажатлар шахсий тансоқчилар ва турар жойни мустаҳкамлашни ҳам ўз ичига олади. Таққослаш учун, 2024-йилда CEO хавфсизлиги учун бор-йўғи 191 040 доллар сарфланган эди.
Крипто оламида "вренч аттаккс" (калит ёрдамида ҳужум) деб аталадиган жисмоний таҳдидлар глобал миқёсда ортиб бормоқда. Анъанавий молиявий ўғриликлардан фарқли ўлароқ, бундай ҳужумларда жиноятчилар куч ишлатиш ёки ўғирлаш орқали қурбонларни шахсий калитлар (привате кейс) ва паролларни топширишга мажбур қилишади. Рақамли активларнинг осон ўтказилиши ва очиқ кўриниб туриши соҳа раҳбарларини асосий нишонга айлантирмоқда.
СертиК киберхавфсизлик фирмаси маълумотларига кўра, 2025-йилда 72 та тасдиқланган жисмоний мажбурлаш ҳолатлари қайд этилган бўлиб, бу ўтган йилга нисбатан 75 фоизга кўпдир. Энг кўп ҳужумлар Францияда кузатилган бўлиб, у ерда 19 та ҳолат қайд этилган. МАРА шунингдек, молия директори Салман Хан хавфсизлиги учун ҳам 3,9 миллион доллар сарфлаганини маълум қилди.
