Фарғонанинг Олтиариқ туманида Nexia каналга тушиб кетди

^{Фото: Фавқулодда вазиятлар вазирлиги ахборот хизмати}
Фарғона вилояти Олтиариқ туманида 13 февраль куни Nexia каналга тушиб кетди. Бу ҳақда Фавқулодда вазиятлар вазирлиги ахборот хизмати хабар берди.

Маълум бўлишича, бошқарманинг 1050 қисқа рақамига Nexia русумли автомобиль ҳайдовчиси эҳтиётсизлик оқибатида бошқарувни йўқотиб, “Полосон” маҳалласи ҳудудидан оқиб ўтувчи Базиқувур каналига тушиб кетгани тўғрисида хабар келиб тушган.

Шунга кўра, Фарғона вилояти ФВБ махсус вазифаларни бажарувчи минтақавий қутқарув отряди қутқарувчилари воқеа жойига етиб бориб, махсус техника ва асбоб-анжомлар ёрдамида автомобиль сувдан чиқариб олинган. Ҳодиса оқибатида тан жароҳати олган ва ҳалок бўлганлар йўқ.