ДХХ Тожикистондан салкам 20 кило гиёҳванд модда олиб ўтган шахсни ушлади (видео)
Хусусан, ўзбек—тожик давлат чегарасининг Ургут тумани ҳудудидан ўтувчи қисмида 1997 йилда туғилган маҳаллий фуқаро ушланиб, ундан мамлакатга қўшни Тожикистондан контрабанда йўли билан олиб ўтилган 19 килограмм 799 грамм опий моддаси процессуал тартибда расмийлаштириб олинган.
Tojikistondan O‘zbekistonga 19 kilodan ortiq giyohvand modda olib o‘tayotgan shaxs ushlandi pic.twitter.com/M1vpXEff3n
— Шухрат Раззаков (@ShuhratRazzakov) March 30, 2023
Ҳозирда мазкур фуқарога нисбатан ДХХ Самарқанд вилояти бўйича бошқармаси томонидан Жиноят кодексининг 246 (контрабанда) ва 273-моддалари (гиёвандлик воситалари, уларнинг аналоглари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек, уларни қонунга хилоф равишда ўтказиш) билан жиноят иши қўзғатилиб, унинг жиноий алоқаларининг шахсига аниқлик киритилмоқда.
