Шавкат Мирзиёевнинг Россияга амалий ташрифи якунланди

^{Фото: Президент матбуот хизмати}
Президент Шавкат Мирзиёевнинг Санкт-Петербург шаҳрига ташрифи доирасидаги тадбирлар якунланди. Бу ҳақда Президент матбуот хизмати хабар берди.

Давлат раҳбари амалий ташрифини якунлаб, “Пулково” халқаро аэропортидан Тошкентга жўнаб кетди.

^{Фото: Президент матбуот хизмати}
Олий мартабали меҳмонни Санкт-Петербург шаҳри губернатори Александр Беглов ва бошқа расмий шахслар кузатиб қўйди.

^{Фото: Президент матбуот хизмати}
Бугун давлат раҳбари Олий Евросиё иқтисодий кенгашининг навбатдаги йиғилишида нутқ сўзлади.

Кеча, 25 декабрь куни Ўзбекистон етакчиси Мустақил Давлатлар Ҳамдўстлигига аъзо давлатлар раҳбарларининг норасмий саммитида иштирок этди.