Энди саёҳат қилишингиз учун замонавий автобуслар хизмат қилади

Ўзбекистонда ички шаҳарлараро экскурсиялар ташкил этиш учун мўлжалланган махус саёҳат автобуслари – SAZ HD 50 ишлаб чиқариш йўлга қўйилмоқда. Бу ҳақда Ўзбекистон Республикаси Туризмни ривожлантириш давлат қўмитасининг Ахборот хизмати хабар бермоқда.

Мазкур транспорт сайёҳлар учун барча қулайликларга эга бўлиб, хавфсизлик нуқтаи назаридан мукаммал ишланган. Автобусда кондитсионер, телевизор,Wi-Fi, микрофон, аудио тизим ва колонкалар мавжуд бўлиб, ҳар бир ўриндиқ хавфсизлик камарлари билан жиҳозланган. Қисқаси - сайёҳлар хордиқ чиқариб сайр қилишлари учун барча шарт-шароит яратилган. Шунингдек, автобусда видеокамера ҳам ўрнатилган бўлиб, сайёҳлар хавфсизлиги учун хизмат қилади.