Қорақалпоғистонда 11 дона балиқ овлаган балиқчи 3,5 млн сўм жаримага тортилди

^{Фото: Экология ва атроф-муҳитни муҳофаза қилиш қўмитаси}
Қорақалпоғистонда 11 дона балиқ овлаган балиқчи 3,5 млн сўм жаримага тортилди, деб хабар бермоқда Экология ва атроф-муҳитни муҳофаза қилиш давлат қўмитаси жамоатчилик ва ОАВ билан ишлаш бўлими.

Қўмита инспекторлари Шўманай тумани ҳудудидан оқиб ўтувчи сувдан ноқонуний балиқ овлаётган браконьерларни қўлга олган.

Маълум бўлишича, фуқаро Т.Ж. 6 дона сазан, 4 дона оқ амур ҳамда 1 дона толстолобик балиғини ноқонуний овлаб, ҳайвонот оламига 3 миллион 568 минг сўм зиён етказган. Ҳозирда тўпланган ҳужжатлар Шўманай тумани Маъмурий ишлар судига тақдим қилинган.