Нурафшонда аёл 48,7 грамм «марихуана» билан қўлга тушди

Нурафшон шаҳри, Нурафшон маҳалласида яшовчи, 1983 йилда туғилган Наталя Б. маҳалла ҳудудида гумонланиб, кўздан кечирилганда қўлидаги полимер пакет ичида 48,7 гр «марихуана» гиёҳвандлик воситасини сақлаб келаётганлиги аниқланиб, ашёвий далил сифатида ҳужжатлаштирилиб олинди. Бу ҳақда ИИВ ЖҚББ Гиёҳвандлик воситалари билан қонунга хилоф равишда муомала қилишга қарши курашиш бошқармаси хабар берди. 

Мазкур ҳолат юзасидан, Наталя Б.га нисбатан Нурафшон шаҳар ИИБ ҳузуридаги Тергов бўлими томонидан Жиноят кодексининг 276-моддаси 1-қисми жиноят иши қўзғатилди.