Меҳнат ярмаркасида 40 киши ишга жойлаштирилди, улардан 21 нафари алимент тўловчи қарздорлар

Мажбурий ижро бюроси Қамаши туман бўлими ҳамда туман прокуратураси томонидан аҳоли бандлигига кўмаклашиш маркази ҳамкорлигида бўш иш ўринлари меҳнат ярмаркаси ташкил қилинди.

Ярмаркага ташриф буюрганларга туман аҳоли бандлигига кўмаклашиш маркази томонидан тумандаги корхона, ташкилот ва муассасалардаги бўш иш ўринлари ва мавсумий вақтинчалик ишлар тавсия этилди.

Ярмаркада иштирок этган 200 дан ортиқ фуқаролардан 40 нафари ишга жойлаштирилди. Улардан 21 нафари ишсизлиги туфайли алимент пулларини ўз вақтида тўлолмай келаётган қарздорлардир.