Актриса Кристен Стюарт машиналаштирилган ўқитиш ҳақида илмий иш ёзди

Голливуд актрисаси Кристен Стюарт ўзининг «Кетдик, сузамиз» фильмида машиналаштирилган ўқитишнинг қўлланилиши ҳақида илмий иш ёзди, деб ёзади «Дарё» нашри. Илмий иш премьера куни — 19 январда arXiv онлайн-архивида пайдо бўлди, у ерда мақолалар илмий тақриз қилиниш жараёнидан ўтмайди.

Adobe муҳандиси Бхаутик Йоши ва продюсер Дэвид Шапиро ҳаммуаллифлигида ёзилган мақола «‘Кетдик, сузамиз’ фильмида импрессионистик картиналарни нейрон тармоқлар асосида услубни ўзгартиришдан фойдаланиб, жонлантириш» деб номланган.

Мақолада картинани яратиш жараёнида суратга олинган кадрларни импрессионист рассомларнинг картиналарига ўхшатиш учун муаллифлар қандай қилиб машиналаштирилган ўқитишдан фойдалангани тавсифлаб берилган.

«Кетдик, сузамиз» қисқа метражли картинаси Стюарт сценарийнавислик ва режиссёрлик қилган илк фильм бўлди. Фильм премьераси «Сандэнс» фестивалида бўлиб ўтди.