Диёра Келдиёрова оиласи билан биргаликда Париж шаҳрида!

Ўзбекистонлик машҳур дзюдочи Диёра Келдиёрова ҳозирда турмуш ўртоғи ва фарзанди билан Франциянинг Париж шаҳрида. Бу ҳақда у ўзининг ижтимоий тармоқлардаги саҳифасида хабар қолдирди.

Спортчи Париждан бир нечта сурат ва видеоларни ҳам улашган. Кадрлар орасида унинг оилавий дам олиш лаҳзалари, диққатга сазовор жойларда тушган суратлари мавжуд. Мухлислар Диёранинг ушбу дам олишига илиқ тилаклар билан изоҳлар қолдиришмоқда.

Маълумот учун, Диёра Келдиёрова Осиё ва жаҳон миқёсидаги кўплаб мусобақаларда Ўзбекистон шарафини муносиб ҳимоя қилиб келмоқда. Унинг спортдаги муваффақиятлари нафақат юртимизда, балки халқаро майдонларда ҳам эътироф этилган.