Бурак Ўзчивит «Эртуғрул: Тирилиш» даги Усмон Ғозий ролига тайёргарлик кўрмоқда (фото)

Дунёнинг 65 мамлакатларида эфирга узатиладиган «Эртуғрул: Тирилиш» фильми кузда янги концепция билан эфирга қайтади, деб хабар берди «Daryo.uz» нашри.

^{Фото: «Haber7.com»}
Фильмда Усмон Ғозий даври бошланади, ушбу образни таниқли турк актёри Бурак Ўзчивит ижро этади. Актёр аллақачон тарихий образга тайёргарлик кўришни бошлаган: у ҳафтасига 6 кун, беш соат давомида махсус мураббийлар билан шуғулланмоқда.

^{Фото: «Haber7.com»}
Бурак отга эркин сакрашни, жанговар қуроллар, қиличлар билан жанг қилишни ўрганади. Кичкина полигонда машғулот вақтида актёрнинг кутилмаган жароҳати учун фавқулодда ёрдам хизмати ҳам ишламоқда.

^{Фото: «Haber7.com»}
Ривада «Усмон Ғозий» фильмини суратга олиш учун янги катта плато барпо этилмоқда, барча саҳна ва актёрларнинг костюмлари янгиланди.