Шукуров ўйнаган учрашувда "Фатих Карагюмрюк" йирик ҳисобда мағлубиятга учради

Туркия чемпионати 3-туридан ўрин олган \"Бешиктош\" - \"Фатих Карагюмрюк\" учрашуви якунига етди. Мазкур баҳсда мезбонлар йирик 4:1 ҳисобида ғалаба қозонди.

Айни вақтда Пирло бошчилигидаги жамоа Туркия чемпионати 3 туридан сўнг бирорта ҳам очко тўплай олмай, турнир жадвалида 18-ўринда бормоқда. 7 очкоси бор \"Бешиктош\" 2-поғонани банд этган.

Қайд этиш лозим, легионеримиз Отабек Шукуров мазкур беллашувни асосий таркибда бошлади ва тўлиқ 90 дақиқа майдонда ҳаракат қилди.

\"Бешикташ\" — \"Фатих Карагумрук\" 4:1
Голлар: Вегхорст (17), Н\'Куду (34), Мулека (50), Розье (90) — Диане (53)
\"Бешиктош\": Эрсин, Розье, Неджип, Саисс, Масуаку, Беркай, Салих, Гедсон, Н\'Куду, Мулека, Вегхорст.
\"Фатих Карагумрук\": Вивиано, Левент Меркан, Бираски, Дрешевич, Бурак, Джанер, Шукуров, Оздоев, Ахмед Муса, Борини, Диагне.