Рубен Аморим: Биз “Манчестер Юнайтед” тарихидаги энг расво жамоамиз!

Англия Премьер-лигасининг 22-турида “Манчестер Юнайтед” ўз мухлислари кўз ўнгида “Брайтон”дан 1:3 ҳисобида енгилди.

Ушбу мағлубиятдан кейин мезбонлар бош мураббийи Рубен Аморим кескин фикр-мулоҳазаларни билдирди.

- \"Биз “Манчестер Юнайтед” тарихидаги энг расво жамоамиз. Сиз журналистларга ўткир сарлавҳалар керак, шунинг учун биз буни борича қабул қилишимиз ва тезроқ ўзгартиришимиз керак. Мана сизларга зўр сарлавҳа топиб бердим\", - деди Рубен Аморим.

22-тур учрашувиан кейин жами 26 очкога эга бўлган “Манчестер Юнайтед” мусобақа жадвалида 13-поғонада бормоқда. Машҳур клуб келаси мавсум Чемпионлар лигасида иштирок эта олмаслиги тобора ойдинлашиб боряпти.