Шмейхел Хёйлунн ва Мактоминайнинг "Наполи"даги ўйинини мақтади

Собиқ “Манчестер Юнайтед” дарвозабони Петер Шмейхел клубнинг трансфер сиёсатини танқид қилди. У раҳбарият Расмус Хёйлунн ва Скотт Мактоминай каби футболчиларни таркибда сақлаб қолиши керак эди, деб ҳисоблайди.

Шмейхелнинг фикрича, клуб Хёйлунн бор экан, Шешкони олиб келишга эҳтиёж йўқ эди.

У икки йил давомида Хёйлунн етарли қўллаб-қувватланмаганини таъкидлади. У ҳозир “Наполи”да Мактоминай билан бирга яхши ўйин кўрсатаётганини қайд этди.

Петер Шмейхел 1991-1999 йилларда “Манчестер Юнайтед” сафида майдонга тушган. Шунингдек, у “Манчестер Сити” жамоасида ҳам ўйнаган.