Мбаппенинг покери унга ҳафтанинг энг яхши футболчиси унвонини келтирди

Килиан Мбаппе Чемпионлар Лигаси ҳафтасининг энг яхши футболчиси деб топилди. "Реал" ҳужумчиси гуруҳ босқичининг бешинчи турида "Олимпиакос"га қарши ўйинда покер қайд этганидан сўнг овоз беришда етакчилик қилди.

Мазкур учрашув Мадрид жамоасининг 4:3 ҳисобидаги ғалабаси билан якунланди. Мбаппе томонидан қайд этилган покер ушбу сўров натижасида унинг фойдасига ҳал қилувчи омил бўлди.

Иккинчи ўринни "ПСЖ" ярим ҳимоячиси Витиния эгаллади, у ўз ўйинида хет-трик қайд этди. Учинчилик эса "Марсель" футболчиси Пьер-Эмерик Обамеянгга насиб қилди.