Флик «Барселона» учун янги ҳужумчи сифатида Альваресни танлади

«Барселона» келажак режалари устида ишламоқда. Каталония клуби бош мураббий Ҳанс-Дитер Флик билан шартномани узайтиришни кўзламоқда.

Sport Bild нашри хабарига кўра, «кўк-анорранглилар» таркибни янги юлдузлар билан кучайтириш ниятида, бироқ молиявий чекловлар трансфер режалари амалга ошишига тўсқинлик қилиши мумкин. Манбага кўра, тарқалган миш-мишларга қарамай, Гарри Кейн «Барселона» учун жиддий трансфер нишони эмас.

Флик ва клуб раҳбарияти ҳужум чизиғини «Атлетико» футболчиси Хулиан Альварес билан кучайтиришни истамоқда. Қайд этилишича, 25 ёшли Альвареснинг трансфери камида 100 миллион евро га баҳоланмоқда.