«Фенербаҳче» Талиска билан шартномани 2028 йилгача узайтирди

«Фенербаҳче» ҳужумкор яримҳимоячиси Андерсон Талиска билан янги меҳнат шартномасини имзолаганини расман эълон қилди. Бу ҳақдаги хабар клубнинг расмий манбаларда пайдо бўлди. Бу ҳақда euro-football.ru хабар беради.

Янги келишувга кўра, бразилиялик футболчи Истанбул жамоаси сафида 2028 йил ёзигача тўп тепади.

Талиска Туркия чемпионатида 2025 йил январидан буён ўйнамоқда. Жорий мавсумда у барча мусобақаларда 33 учрашувда майдонга тушиб, 19 гол ва 4 ассист қайд этди.

Туркия Суперлигасида 20 турдан кейин «Фенербаҳче» турнир жадвалида иккинчи ўринда бормоқда ва пешқадам «Галатасарай»дан 6 очко ортда. 10 феврал, душанба куни Истанбул клуби «Генчлербирлиги» билан баҳс олиб боради.