Фенербаҳче Талиска билан шартномани 2028 йилгача узайтирди

Фенербаҳче ҳужумкор яримҳимоячиси Андерсон Талиска билан янги меҳнат шартномасини расмийлаштирди. Бу ҳақдаги хабар клубнинг расмий манбаларида эълон қилинди. Бу ҳақда euro-football.ru хабар беради.

Янгиланган келишувга кўра, бразилиялик футболчи Истанбул жамоаси сафида 2028 йил ёзигача тўп суришда давом этади.

Талиска Туркия чемпионатида 2025 йил январидан бери ўйнамоқда. Жорий мавсумда у барча турнирлар доирасида 33 учрашувда майдонга тушиб, 19 гол ва 4 ассист қайд этди.

Туркия Суперлигасида 20 турдан сўнг Фенербаҳче жадвалда иккинчи ўринда бормоқда ва Галатасарайдан 6 очко ортда қолмоқда. 10 февраль, душанба куни Истанбул клуби Генчлербирлиги билан баҳс олиб боради.