«Бока Хуниорс» клубида янги спорт директори тайинланди

Аргентинанинг «Бока Хуниорс» клуби спорт директори лавозимига янги номзодни эълон қилди — эндиликда бу вазифани Марсело Дельгадо бажаради. У клуб президенти Хуан Рикелме билан яқин ҳамкорликда ишлайди. Эслатиб ўтамиз, Рикелме фаолиятида «Барселона» сафида ҳам тўп сурган. Бу ҳақда euro-football.ru хабар беради.

Клуб таркибини зудлик билан кучайтириш зарурати бор ва Дельгадо ҳамда Рикелме олдида айнан шу йўналишда жиддий ишлар турибди.

Дельгадо футболчи сифатида ҳам катта тажрибага эга: у 1995–2002 йиллар оралиғида Аргентина терма жамоасида 18 та учрашувда майдонга тушган, жумладан, 1998 йилги жаҳон чемпионати баҳсларида ҳам иштирок этган.

Шунингдек, у 2003 йилда Либертадорес Кубогининг энг яхши тўпурари бўлган. Дельгадо бу совринни Бразилиянинг «Сантос» клубидан Рикардо Оливейра билан бирга қўлга киритган.