«Бока Хуниорс» спорт директори лавозимига Марсело Делгадо тайинланди

Аргентина гиганти «Бока Хуниорс» клубида спорт директори алмашди: бу лавозим эндиликда Марсело Делгадога ишониб топширилди. У клуб президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.

Жамоа таркибини тезкор кучайтириш зарурати бор ва Делгадо ҳамда Рикелме дуэти трансферлар бозорида фаол ҳаракат қилиши кутилмоқда.

Делгадо футболчилик даврида ҳам катта тажриба тўплаган: у Аргентина терма жамоаси сафида 1995–2002 йилларда 18 та учрашувда майдонга тушган, 1998 йилги жаҳон чемпионатида ҳам иштирок этган.

2003 йилда эса у Либертадорес кубогининг энг яхши тўпурари бўлган — «Сантос» ҳужумчиси Рикардо Оливейра билан бирга турнирда энг кўп гол урган футболчи сифатида қайд этилган.