Сардор Рашидов «Ал-Жазира» сафидаги илк голини голланд клуби дарвозасига урди

Ўзбекистон миллий терма жамоаси аъзоси Сардор Рашидов «Ал-Жазира» сафидаги илк голини урди. Бу ҳақда «Championat.asia» сайтига асосланиб «Дарё» нашри ёзмоқда.

Янги мавсумга тайёргарлик кўраётган Амирлик клуби синов-назорат ўйинида Голландиянинг «Фортуна Ситтард» клубига қарши ҳаракат қилиб, 2:3 ҳисобида имкониятни бой берган. «Ал-Жазира» сафидаги голлардан бирига ўзбекистонлик футболчи муаллифлик қилган.

Сардор Рашидов учрашувда 45 дақиқа ҳаракат қилди, деб ёзилган хабарда.

Аввалроқ Рашидов Амирлик чемпионатининг амалдаги ғолиби билан 2 йиллик шартнома тузганди. Клубнинг Осиё Чемпионлар лигаси ва клублар ўртасидаги Жаҳон чемпионатида ҳаракат қилиши Рашидов эътиборини тортганди.