Ўзбекистонлик футбол мухлислари "Ювентус" клуби томонидан эътироф этилди

1 ноябрь куни Италиянинг \"Ювентус\" клуби ташкил топганига 120 йил тўлиши муносабати билан жамоанинг бутун дунё бўйлаб фан-клублари ўртасида танлов ўтказилди. Бу ҳақда клуб \"Twitter\"даги саҳифасида хабар берди.

Танлов қоидасига кўра, ҳар бир расмий фан-клуб сурат олиб, уни \"Ювентус\"га юбориши лозим эди. Юздан ортиқ мамлакатдан юборилган суратлар орасидан тўртта фан-клуб ғолиб сифатида танланди.

Ғолиблар орасидан \"Ювентус\"нинг Ўзбекистондаги расмий фан-клуби ҳам ўрин олди.

Туриннинг \"Ювентус\" клуби 1897 йил 1 ноябрда ташкил этилган.