Баҳодир Жалолов баҳрайнлик боксчини таслим қилиб, Токио Олимпидасига йўлланмани қўлга киритди

^{Фото: МОҚ}
8 март, якшанба куни, Иорданиянинг Амман шаҳрида Токио—2020 Олимпиадасига йўлланма берувчи лицензион мусобақа доирасида навбатдаги жанглар ўтказилди.

-75 килограмм вазн тоифаси вакили Фанат Қаҳрамонов чорак финалда қозоғистонлик Абилхон Аманқулга қарши жанг ўтказиб, мағлубиятга учради. Аммо Фанат Олимпиада йўлланмаси учун имкониятни сақлаб қолди. Боиси ушбу вазн тоифасида Олимпиадага 5 та йўлланма ўйналади. Фанат чорак финалда мағлуб бўлган бошқа боксчилар билан 1 та йўлланма учун кураш олиб боради.

+91 килограмм вазн тоифасида Баҳодир Жалолов чорак финал баҳсини баҳрайнлик Данис Латиповга қарши ўтказиб, 3 раунд якунига кўра 5:0 ҳисобида ғалаба қозонди. Шу тариқа Баҳодир ҳам Токио Олимпидасига йўлланмани ўзиники қилди ва лицензио мусобақанинг ярим финалига чиқди.