Акула ва кроссовка шаклидаги компьютерлар тақдим этилди

Компьютерлар ва аксессуарлар ишлаб чиқарувчи Cooler Master компанияси ўзининг ноодатий дизайндаги компьютер ва турли гаджетлари билан ажралиб туради.

^{Фото: Europa Plus}
2023 йилда компания кроссовка кўринишидаги Sneaker Х ўйинлар учун махсус компьютерини тақдим этган эди. 2024 йилда бўлиб ўтган Consumer Electronics Show — Маиший электроника кўргазмасида акула кўринишидаги Shark Х номли компьютерини намойиш қилди.

^{Фото: Europa Plus}
Sneaker Х ва Shark Х қурилмалар умумий жиҳатга ҳам эга: Иккала компьютерда Intel Core i9-14900KF процессори ва МSI GeForce RTX 4070 Ti Gaming видеокартаси жойлаштирилган. Бундан ташқари, ҳар бир корпусда 32 Гб оператив хотира мавжуд.

^{Фото: Europa Plus}
Cooler Master компанияси таъкидлашича, шахсий компьютерлар корпуси тўлиқ янгиланиши мумкин, бироқ янги компонентлар компьютер ташқи кўринишидаги эстетикани бузиш эҳтимоли бор. Sneaker Х тўпламига қўшимча равишда махсус наклейкалар киритилади.

^{Фото: Europa Plus}
Ишлаб чиқарувчи Shark Х 2024 йилнинг иккинчи чорагида сотувга қўйилишини эълон қилди. Унинг нархи салкам 7000 долларни ташкил қилади.