Метро Москва иловасида электроскутерларни ижарага олиш имконияти пайдо бўлди

Москва транспорт департаменти раҳбари Максим Ликсутовнинг маълум қилишича, эндиликда "Велобайк" электроскутерларини "Метро Москва" иловаси орқали ижарага олиш мумкин. Бу янгилик шаҳар транспорт тизимини ягона рақамли экотизимга бирлаштириш доирасида амалга оширилди. Бу ҳақда Ixbt.com хабар беради.

Илова фойдаланувчилари харитада энг яқин турган скутерларни топишлари, уларнинг қувват даражасини текширишлари ва бир неча босиш орқали ижарани расмийлаштиришлари мумкин. Бунинг учун шахсий кабинетдаги "Сервислар" бўлимига ўтиш кифоя.

Янги функциядан фойдаланиш учун фойдаланувчилар иловани энг сўнгги версиягача янгилаб олишлари керак. Ҳозирги кунда "Велобайк" паркида 9 мингдан ортиқ велосипед ва 4 мингга яқин электроскутер мавжуд.

Расмийларнинг таъкидлашича, ушбу интеграция пойтахт аҳолиси ва меҳмонлари учун транспорт хизматларидан фойдаланишни янада қулай ва тезкор қилишга қаратилган.