GPUълардан тезроқ: Серебрас рекорд тезликдаги Кими К2.6 моделини ишга туширди
2026-йилнинг энг йирик технологик ИПЎсидан сўнг, Калифорниянинг Серебрас Сйстеms компанияси сунъий интеллект инференци бозорида етакчилик учун дадил қадам ташлади. Чип ишлаб чиқарувчиси корпоратив мижозлар учун Пекиннинг Мооншот AI компанияси томонидан ишлаб чиқилган, бир триллион параметрли Кими К2.6 очиқ моделини тақдим этди. Серебрас ускуналарида ушбу нейротармоқ тезлиги сониясига деярли 1000 токенга етди, бу эса мавжуд GPU базасидаги ҳар қандай ечим учун эришиб бўлмас натижадир. Бу ҳақда Ixbt.com хабар беради.
Артифисиал Аналйсис тадқиқот фирмаси томонидан ўтказилган мустақил аудит сониясига 981 токен натижасини қайд этди. Бу Серебрас платформасини энг яқин GPU булутли провайдеридан 6,7 баравар, бозорнинг ўртача кўрсаткичидан эса 23 баравар тезроқ эканини кўрсатди. Амалиётда 10 000 токендан иборат код ёзиш сўрови Серебрас тизимида атиги 5,6 сония вақт олди, ваҳоланки Кими расмий булутли сервиси буни 163,7 сонияда бажарган эди.
Кими К2.6 модели Михтуре-оф-Эхпертс (МоE) архитектурасига асосланган бўлиб, ундаги 1 триллион параметрнинг 32 миллиарди ҳар бир ўтишда фаоллашади. Модел нуфузли СВE-Бенч Pro бенчмаркида 58,6 балл билан Claude Опус 4.6'ни ортда қолдириб, GPT-5.4 билан тенглашди. Компаниялар учун ушбу очиқ алгоритм Anthropic ва OpenAI'нинг қиммат ёпиқ API'ларига нисбатан тежамкор ва самарали муқобилга айланмоқда.
Серебраснинг бундай феноменал тезлиги унинг ноёб аппарат ёндашувига боғлиқ. Анъанавий инференс ўнлаб алоҳида GPU'ларда ишласа, Серебрас Вафер-Скале Энгине 3 процессори яхлит чип ҳисобланади. У 44 гигабайт ўта тезкор СRAM хотирасини ўз ичига олади ва кристал ичидаги тармоқ ўтказувчанлиги рақобатчиларнинг НВЛинк интерфейсидан 200 баравар юқори. Ҳозирда янгилик фақат Фортуне 500 рўйхатидаги йирик корпорациялар учун ёпиқ булутли хизмат сифатида таклиф этилмоқда.
