Трумп Мобиле мижозларининг шахсий маълумотлари очиқ тармоққа чиқиб кетди
Трумп Мобиле мобил алоқа провайдери ўз мижозларининг исмлари, электрон почта манзиллари, яшаш манзиллари, телефон рақамлари ва буюртма идентификаторлари очиқ интернет тармоғида ҳимояланмаган ҳолда қолганини тасдиқлади. Компания вакили Чрис Валкер TechCrunch нашрига берган интервюсида ушбу ҳолат юзасидан текширув олиб борилаётганини маълум қилди. Бу ҳақда Techcrunch.com хабар беради.
Ҳозирча олинган маълумотларга кўра, фойдаланувчиларнинг шахсий ёзишмалари ёки молиявий маълумотлари тарқалиб кетгани ҳақида далиллар топилмаган. Компания Трумп Мобиле тармоғи, тизимлари ёки инфратузилмасига ҳеч қандай киберҳужум уюштирилмаганини ва тизим бузиб кирмаганини алоҳида таъкидлаб ўтди.
Вакилнинг сўзларига кўра, маълумотларнинг очиқ қолиши Трумп Мобиле операцияларини қўллаб-қувватловчи учинчи томон платформаси билан боғлиқ. Бироқ, ушбу провайдернинг номи очиқланмаган. Мазкур ҳолат бир неча кун аввал ижтимоий тармоқларда фойдаланувчилар маълумотлари ҳамма учун очиқ экани ҳақидаги хабарлардан сўнг тан олинди.
Чоршанба куни Трумп Мобиле телефонларига буюртма берган Коффеезилла ва пенгуинз0 тахаллусли икки нафар YouTubeр тадқиқотчилар уларни шахсий маълумотлар сизиб чиққани ҳақида огоҳлантирганини айтишди. Улар компания билан боғланишга ҳаракат қилишган, бироқ уринишлар натижа бермаган.
Ҳозирда Трумп Мобиле раҳбарияти юзага келган вазият юзасидан ўз мижозларини расман хабардор қилиш ёки қилмаслик масаласини кўриб чиқмоқда. Мазкур ҳодиса фойдаланувчиларнинг шахсий дахлсизлиги ва маълумотлар хавфсизлиги борасидаги хавотирларни кучайтирган.
