NVIDIA хатоларга чидамли квант компьютерларини яратувчи Алисе & Боб стартапига сармоя киритди
Парижда жойлашган Алисе & Боб стартапи ўзининг хусусий кат-қубит архитектураси асосида хатоларга чидамли квант компьютерларини яратиш учун NVIDIA компаниясининг НВентурес венчур фондидан инвестиция жалб қилганини эълон қилди. Мазкур маблағлар аввалроқ Футуре Френч Чампионс, АХА Вентуре Партнерс ва Бпифранце иштирокида ўтказилган 100 миллион евролик Б раунди доирасидаги кенгайтирилган молиялаштириш ҳисобланади. Бу ҳақда Ixbt.com хабар беради.
Алисе & Боб ўз ускуналарини NVIDIA платформасининг КУДА-Қ ва НВҚЛинк технологиялари билан интеграция қилмоқда. Бу квант ва классик тезлаткичларни ягона тизимга бирлаштириш имконини беради. Бундай ёндашув NVIDIA компаниясининг стратегиясига тўлиқ мос келади: компания ўзининг шахсий ҚПУ қурилмаларини яратишдан кўра, дастурий воситалар ва турли квант архитектуралари билан интеграциялашувга асосий эътиборни қаратмоқда.
НВентурес ҳозирда турли квант технологияларига, жумладан, ион тузоқлари (Quantinuum), нейтрал атомлар (ҚуEра), фотон ечимлари (PsiQuantum) ва эндиликда Алисе & Боб стартапининг ўта ўтказувчан кат-кубитларига сармоя киритмоқда. Бу NVIDIA компаниясининг универсаллик ва дастурий мослашувчанликка бўлган интилишини акс эттиради.
Алисе & Боб стартапининг асосий техник устунлиги аппарат даражасида бит-флип туридаги хатоларни бартараф этишидир. Компания ҳисоб-китобларига кўра, бу рақобатчилар каби миллионлаб эмас, балки атиги минглаб физик кубитлар ёрдамида хатоларга чидамли тизимни яратишга имкон беради. Стартапнинг асосий мақсади 2030-йилга қадар амалий жиҳатдан фойдали бўлган квант компьютерини тақдим этишдир.
Ушбу молиялаштириш давлат томонидан қўллаб-қувватлаш кучайган бир пайтга тўғри келди: АҚШда ЧИПС Акт доирасида квант компаниялари учун 2 миллиард доллар ажратилмоқда, Францияда эса 1,8 миллиард евролик Proқсима дастури амалга оширилмоқда. Алисе & Боб ушбу дастур доирасида миллий етакчилардан бири сифатида эътироф этилган. НВентурес томонидан киритилган сармоянинг аниқ миқдори ва улуши ҳозирча очиқланмаган.
