Yevropaga parvoz narxi 350 ming dollarga chiqdi

Semafor nashrining xabariga ko\'ra, ayrim badavlat shaxslar Yevropaga xususiy samolyotda uchish uchun 350 ming dollargacha (taxminan 4 515 000 000 so\'m) to\'lamoqdalar.

Dastlab evakuatsiya jarayoni Ummon orqali amalga oshirilishi rejalashtirilgan edi, biroq bu yo\'nalish xavfsiz emas deb topildi. Hozirda odamlar 10 soat davomida yo\'ltanlamas avtomobillarda Riyodgacha olib borilmoqda va u yerdan xususiy reyslar orqali Yevropaga chiqarilmoqda.

Evakuatsiya qilinayotganlar orasida yirik moliya kompaniyalarining top-menejerlari va badavlat sayyohlar bor. Inqiroz davrida vaqt eng qimmatli resursga aylangani bois, imkoniyati bor shaxslar xavfsizlik va tezkorlik uchun rekord darajadagi mablag\'larni to\'lashga tayyor ekanliklarini bildirmoqdalar.